أنا نجلا إبراهيم، صاحبة ناكل كتير بذكاء
أنا بحب الأكل 😁، وجربت أنظمة ومحاولات كتير، وكل مرة كان عندي نفس السؤال: إزاي آكل أكل أحبه ويشبعني، من غير ما أحس إني عايشة في حرمان؟
ومع احتياجي إن أكلي يكون خالي من الجلوتين، الموضوع بقى أصعب شوية؛ لأني ما كنتش عايزة مجرد بدائل خالية من الجلوتين، كنت عايزة أكل حجمه يرضيني، وطعمه حلو، وسعراته والماكروز بتاعته محسوبة.
فبدأت أجرّب وأعدّل في وصفاتي مرة ورا مرة، لحد ما أوصل للنتيجة اللي أحبها فعلًا.
ومن هنا جه «ناكل كتير بذكاء»: أكثر من 50 وصفة خالية من الجلوتين، جربتها وطورتها في مطبخي، ومعاها التفاصيل والتِركات اللي فرقت معايا فعلًا.
وبكل حب بشارككم التجربة دي، وأتمنى تلاقوا فيها أفكار ووصفات تحبوها وتبقى جزء من مطبخكم... وصحة وهنا.
